ஸ்டீவ் ஜொப்ஸ் படத்திலிருந்து லியனார்டோ விலகினார்

அப்பிள் நிறுவனத்தின் இணை ஸ்தாபகரான ஸ்டீவ் ஜொப்ஸின் வாழ்க்கை குறித்த படத்திலிருந்து நடிகர் லியனார்டோ டி கெப்ரியோ விலகியுள்ளார்.

டெனி போய்ல் இயக்கும் இப்படத்தில் ஸ்டீவ் ஜொப்ஸ் வேடத்தில் நடிப்பதற்கு லியனார்டோவை ஒப்பந்தம் செய்ய முயற்சிகள் மேற்கொள்ளப்பட்டன.

அவர் தற்போது நடிக்கும் த ரெவனன்ட் படத்தின் பின்னர் ஸ்டீவ் ஜொப்ஸ் படத்தில் லியனார்டோ நடிப்பார் என முன்னர் கூறப்பட்டது.

ஆனால், அடுத்த வருடம் வெளிவரவுள்ள ரெவனன்ட் படத்தின் பின்னர் நடிப்பிலிருந்து நீண்டகாலம் ஓய்வெடுப்பதற்கு லியனார்டோ தீர்மானித்துள்ளார்.
இதனால், ஸ்டீவ் ஜொப்ஸ் குறித்த படத்தில் லியனார்டோ நடிக்கமாட்டார் எனத் தெரிவிக்கப்படுகிறது.

இதனால் கிறிஸ்டியன் பேல், மெட் டெமோன், பிரட்லி கூப்பர், பென் அப்லெக் ஆகியோரில் ஒருவர் இப்படத்தில் நடிக்கக்கூடும் என எதிர்பார்க்கப்படுகிறது.

கடந்த வருடமும் ஸ்டீவ் ஜொப்ஸ் குறித்த "ஜொப்ஸ்" எனும் படம் வெளியாகியிருந்தது.

ஜோஸ்வா மைக்கல் ஸ்டேர்ன் இயக்கிய அப்படத்தில் ஸ்டீவ் ஜொப்ஸ் வேடத்தில் அஷ்டன் குச்சர் நடித்திருந்தார்.